صباحاتكم ومساءاتكم حب وبركــة ان شالله
.
.
.
قبل لا ابدا في الكلام والعرض
ما عليكم الا الدعاء الطيب لوالدي الغـالي
وان يتغمد الله روحــه فسيح جناته ويثبته عند السؤال
وان تكون أخر الاحزان ان شالله
.
.
.
طبقــنا اليوم تراثي وشعبي
معروف في اغلب دول الخليج العربي
.
.
.
...الهريس...
طبعا الكل يعرف كيفية طبخ الهريس بالطريقة التقليدية
وهذه موضوع الغـالية الخوافي ((اسمحي لي اخذت رابط الموضوع))
http://forums.3roos.com/showthread.php?t=430594
وتتحدث عن الطريقة التقليدية في طبخ الهريس
وهذا الطبق اللي متعودين عليي
.
.
.
بس اليوم انا جايبة لكم طريقــة ثانية لطبخ الهريس
طريقـة رائعــة ولذيذة ومو طبيعة بصراحــة
كل الشكر للغالية ((غلاي)) من السبلة العمانية
ع الطريقــة الرائعــة والخرافية
الهريس ما يحلى عندنا الا بالترشــة
كمان جايبة لكم طريقة حلوة وسهلة ولذيذة
.
.
.
...المكونـــات الهريس ...
- حب هريس منقوع في مـاي لمدة يوم كامل او نصف يوم
- دجاج مقطع ومغسل
- لحم بدون عظام وومغسول عدل ومسلوق ومبهر تبهير بسيط
- 3 ملاعق هيل مطحون
- 3 ملاعق قرفة مطحونة
- ملعقتين كموون " سنوت "
- كوب سمن عماني
- 3 حبات طماط
- كوب أرز
...طريقــة الهريس ...
نجيب صفرية / طنجرة كبيرة ونصب فيها مــاي لحد النص تقريبا
نرمي الدجاج في المـاي ونسلق واول ما يبدأ يطلع زبد الدجاج نشيله ع طول
اول ما تخف ظهور الزبد ونتأكد اننا شلنا كل الزبد نضيف حبـات الهريس اللي منقوعـة في مـاي لمدة يوم كامل او نص يوم
نحرك الهريس مع الدجاج تحريك مستمر بالقطع خشب كبيرة علشان ينضج الدجاج وعلشان يتفتت بعد
وبعدها نضيف الارز
((اضافة الارز لثقل الهريس وتماسكه))
ونستمر في التقليب ونتأكد من نضج حبات الارز والهريس جيدا
وبعدها نضيف قطع اللحم المطبوخــة
اضيفي الهيل ... ممكن اضافته مع البهارات في اخر مرحلــة
اضيفي الطمام .. بصراحــة هذه الاضافة اعطي طعم خيــالي للهريس ولذيذ جدا
ونحرك بقوة بالملعقة الخشبية . حتى يذوب الطمام ويختلط مع الهريس
وبعدها نضيف السمن العماني الرائع
وبعدها البهــارات اللذيذة .. ممكن تستخدمي البهارات المذكورة فوق في المكونات او تستخدمي بهارات هندية او عمانية بتطلع احلى واحلى
وتقلبي علي الهريس عدل مدل
وهذا الطبق صــار جــاهز ..
.
.
.
بس بعدنا ما خلصنا .. لسى الترشة ما قدمناها
...مكونات الترشــة ...
فنجان سكر
كيسة كاملة صبار " تمر هندي "
حبة بطاطس مسلوقة ومهروسة
ملقعة او اثنين ثووووم مهروس
دجاج أو لحم أو كبدة اللحم ويكون مسلوق وجاهز ومقطع قطع صغيرة
علبتين طماطم << دايما افضل المنتجات العمانية - بس للاسف ما كانت متوفرة عندنا :'(
فلفل اخضر حسب الرغبة
- علبتين دنجو " حمص "
فلفل اخضر حسب الرغبة
- علبتين دنجو " حمص "
+ ذرة هيل + ذرة بزار عماني او هندي
واضافة من عندي صلصلة من ناندوز .. رهيبة ورائعة وتعطي طعم حرفية حلو
...الطريقة ...
انقعي التمر الهندي في مـاي
قطعي الفلفل الاخضر قطع صغيرة او ع راحتك
- تذوبي السكر على نار هادية
-ضيفي عليه كوب مااي بالتدريج
- ضيفي الثوم + الطماطم وحركيهم
- ضيفي الفلفل الاخضر
اضيفي الصبـار ((تمر الهندي))
- أول ما يبدأ يغلي + الدجاج أو اللحم + علبة الدنجو + البطاطس المهروسة
وبعدها اضيفي البهـارات وصلصلة ناندوز اللذيذة
وهذه الطبق صار جــاهز .. الهريس مع الترشـة
واضافة من عندي صلصلة من ناندوز .. رهيبة ورائعة وتعطي طعم حرفية حلو
...الطريقة ...
انقعي التمر الهندي في مـاي
قطعي الفلفل الاخضر قطع صغيرة او ع راحتك
- تذوبي السكر على نار هادية
-ضيفي عليه كوب مااي بالتدريج
- ضيفي الثوم + الطماطم وحركيهم
- ضيفي الفلفل الاخضر
اضيفي الصبـار ((تمر الهندي))
- أول ما يبدأ يغلي + الدجاج أو اللحم + علبة الدنجو + البطاطس المهروسة
وبعدها اضيفي البهـارات وصلصلة ناندوز اللذيذة
وهذه الطبق صار جــاهز .. الهريس مع الترشـة